Të enjten zhvillohen ndeshjet e raundit të 8-të, i fundit i fazës së ligës në UEFA Europa League, ku do të përcaktohen skuadrat që kalojnë më tej në fazën me eliminim direkt.
Në ndeshjen Sturm Graz – Brann, që luhet në “Stadion Graz Liebenau” në orën 21:00, UEFA ka caktuar si arbitër kryesor shqiptarin Juxhin Xhaja.
Asistentët e tij do të jenë Arbër Zalla dhe Rejdi Avdo, ndërsa arbitër i katërt është Olsion Yzeiraj. Në VAR do të jetë zviceriani Lukas Fähndrich, me Kreshnik Barjamaj si AVAR.
Ky delegim shihet si një tjetër sinjal vlerësimi për arbitrimin shqiptar në arenën ndërkombëtare, duke reflektuar besimin që UEFA i jep vazhdimisht gjyqtarëve nga Shqipëria.
