Moderatorja Bora Zemani ishte e ftuar në podcast-in e Grida Dumës, ku ndau reflektime të sinqerta mbi një nga temat më delikate të jetës personale: faljen në marrëdhënie.
Gjatë bisedës, ajo iu referua ribashkimit me Donald Veshajn, duke theksuar rëndësinë që ka falja si proces i vetëdijshëm dhe i menduar mirë.
Bora theksoi se vendimi për të falur nuk lidhet me naivitetin apo vetëgënjimin, por me një reflektim të thellë mbi gabimet dhe rrethanat. Ajo u shpreh se është plotësisht e vetëdijshme për arsyet që e çuan drejt këtij vendimi dhe se zgjedh t’i japë një tjetër shans marrëdhënies, pa hequr dorë nga parimet dhe kufijtë e saj personalë. “Fal me vetëdije të plotë,” u shpreh ajo, duke nënvizuar se nuk vepron me sy të mbyllur, por me njohje të qartë të situatës.
Në dialogun me Gridën, moderatorja sqaroi se falja nuk nënkupton ndryshimin e kufijve personalë, por është një përpjekje për të shpëtuar një marrëdhënie përballë vështirësive.
Ajo përfundoi me një reflektim të drejtpërdrejtë: pyetja kryesore që duhet bërë gjithmonë është nëse ekziston realisht një mundësi për ta ruajtur dhe shpëtuar marrëdhënien, përpara se ajo të shkojë drejt shkatërrimit.
