Ky është dokumenti i identifikimit të Drejtorit të Ruajtjes së Personaliteteve të larta Shtetërore në Gardën e Republikës. Dokumenti i gjetur nga një qytetar në një pijetore në Laprakë, është nisur sot në redaksinë e Dosja.al. Sipas qytetarit, ka rreth 1 javë që e ka gjetur, por nuk ka mundur ta kontaktojë të interesuarin.
Dokumenti
Përtej njoftimit për dokumentin për të cilin ishte i interesuar qytetari, ajo që bën përshtypje është mënyra e funksionimit në mënyrë të papërgjegjshme e institucionit të Gardës së Republikës. Njërit prej drejtuesve kryesorë i humbet dokumenti i identifikimit dhe, në vend të alarmohet sepse mund të keqpërdoret, vazhdon punën normalisht.
Askush nuk e kontrollon, megjithëse në nenin 16 të rregullores së Gardës përcaktohet qartë se punonjësi i gardës është i detyruar ta paraqesë dokumentin gjatë kryerjes së detyrës. Pyetja është a e ka ushtruar detyrën gjatë një jave Liman Hoxha? Nëse po me çfarë dokumenti identifikimi meqë është i detyruar ta paraqesë?
Pjesë nga rregullorja:
Dokumenti i identifikimit
3. Punonjësi i Gardës së Republikës është i detyruar të paraqesë dokumentin e identifikimit gjatë kryerjes së detyrës. Dokumenti nuk mund të përdoret jashtë shërbimit.
Pjesë nga rregullorja
Për të vazhduar më tej me etikën e punonjësit që ne rregulloren e Gardës përcaktohet qartë që nuk duhet të funksionojë çdo lloj ambienti dhe nuk duhet të mbajë mjete që e identifikojnë si punonjës, të mos përdorë alkoolin në masën që të humbasë kontrollin.
Pjesë nga rregullorja:
12. Punonjësi nuk duhet të frekuentojë ambiente apo lokale të papërshtatshme, të shoqërohet me persona të inkriminuar apo që kanë probleme me zbatimin e ligjit, të bëjë publike informacionet që disponon për arsye të detyrës që kryen apo të hedhë të dhëna në rrjetet sociale (Facebook, Twiter, Instagram etj.).
13. Punonjësi gjatë orarit të punës nuk duhet të konsumojë apo të jetë nën efektin e pijeve alkoolike apo substancave të tjera që ndikojnë në gjendjen e tij mendore, emocionale dhe që ulin ndjeshëm figurën e gardistit.
Pjesë nga rregullorja
Kryerja e aktiviteteve që cënojnë imazhin e Gardës, të çojnë në masën disiplinore të pezullimit sipas rregullores.
Për të gjitha këto arsye, drejtuesi që ka humbur dokumentin duhet të ishte më i interesuari për ta gjetur. Në fakt ka ndodhur e kundërta, askush nuk është interesuar, askush nuk e ka kontrolluar, askush nuk do t‘ja dijë nëse dikush me këtë dokument hyn në një institucion të rëndësisë së veçantë dhe rrezikon jetën e atyre që zotëria dhe shefi i tij e kanë detyrë për t’i mbrojtur.
Pjesë nga rregullorja:
6. Masa disiplinore “përjashtim nga Garda e Republikës” jepet në këto raste:
b) shkel betimin;
c) cenon rëndë integritetin e institucionit;
ç) nuk paraqitet në detyrë pa shkaqe të justifikuara për më shumë se 7 (shtatë) ditë pune;
dh) shkelje të rregullave të shërbimit në mënyrë të përsëritur dhe kur kjo ka sjellë pasoja të rënda;
e) moszbatim të urdhrit apo detyrës, në mënyrë të përsëritur dhe kur kjo ka sjellë pasoja të rënda që cenojnë sigurinë e personaliteteve ose objekteve në ruajtje;
Pjesë nga rregullorja
Kjo ngjarje e thjeshtë, tregon se ku është katandisur Garda e Republikës me emërimet nepotike që e kanë shndërruar në një zgjatim politik të partisë në pushtet dhe ku askush nuk pyet për ligjin dhe rregulloren përsa kohë ka mbështetjen politiko-nepotike./ Shkrimi i marrë nga Dosja.al
