Michael Schumacher, legjenda e Formula 1, ka bërë përparime të rëndësishme në rehabilitimin e tij, 12 vjet pas aksidentit të tmerrshëm me ski në Alpet Franceze që ia dëmtuan rëndë kokën në vitin 2013. Sipas burimeve të afërta me familjen, 57-vjeçari tani është në gjendje të ulet në karrocë dhe lëviz në pronat e tij në Majorka dhe pranë Liqenit të Gjenevës.
Megjithëse Schumacher vazhdon të marrë kujdes të vazhdueshëm 24 orë nga gruaja e tij, Corinna, dhe një ekip mjekësor, ai ka dëshmuar se mund të kuptojë disa aspekte të ambientit përreth, edhe pse nuk e kupton gjithçka. Që nga momenti i aksidentit, ai nuk është parë kurrë publikisht, një fakt që ka shtuar misterin rreth gjendjes së tij shëndetësore.
Ka pasur gjithashtu spekulime mbi mundësinë që Schumacher të merrte pjesë në dasmën e vajzës së tij, Gina-Maria, në vitin 2024, por ajo nuk ndodhi. Situata e tij ka qenë gjithashtu në qendër të vëmendjes mediatike për shkak të rasteve të shantazhit, kur tre ish-punonjës të familjes u dënuan për kërcënimin e publikimit të fotografive të shumta të tij në gjendjen aktuale.
Së fundmi, vajza e tij ndau një foto të rrallë nga koha para aksidentit me mbishkrimin emocionues: “Më të mirat përgjithmonë. Gëzuar ditëlindjen baba.” Kjo foto simbolizon lidhjen e fortë që ai ka me familjen e tij dhe dëshironin të ruajnë intimitetin dhe dinjitetin e tij edhe përballë sfidave që po kalon.
Familja Schumacher ka vazhduar të mbajë një profil të ulët dhe të mbajë informatat rreth gjendjes së Michael-it të kufizuara, duke e mbajtur atë larg vëmendjes së mediave, ndërkohë që po punojnë për t’i siguruar atij një mjedis të qetë dhe mbështetje të plotë në këtë fazë sfiduese të jetës së tij.
