Ky shkrim është vetëm për ty që vret mendjen: Po si dreqin zhbllokohet telefoni vetëm me fytyrë?
Face ID funksionon duke projektuar afërsisht 30 mijë pika shumë të vogla infra të kuqe mbi fytyrën tënde. Ky model pikash krijon një hartë të detajuar të thellësisë, që i lejon sistemit të njohë strukturën e fytyrës, jo thjesht një imazh të sheshtë.
Është projektuar të punojë në kushte të ndryshme ndriçimi, madje edhe në errësirë të plotë.
Teknologjia mbështetet te sensorët infra të kuq dhe inteligjenca artificiale për të dalluar një fytyrë reale nga foto apo maska.
Ndryshime të vogla si syzet, mjekra apo plakja merren parasysh me kalimin e kohës, pasi sistemi përshtatet gradualisht. Sa më shumë përdoret, aq më e saktë bëhet.
Ajo që na duket si magji e menjëhershme është në fakt një analizë biometrike shumë e shpejtë, që ndodh brenda milisekondave.
Procesi e shndërron për një çast fytyrën njerëzore në të dhëna matematikore.
