Egjipti u eliminua nga Kupa e Kombeve të Afrikës 2025 pas humbjes ndaj Senegalit në gjysmëfinale, ndërsa Mohamed Salah përjetoi një paraqitje për t’u harruar.
Sipas Opta, për herë të parë në të gjitha ndeshjet e tij në CAN, Salah nuk regjistroi asnjë prekje brenda zonës së kundërshtarit, edhe pse ishte në fushë për më shumë se 45 minuta. Në fakt, ai luajti 90 minuta, por nuk arriti të krijojë asnjë rast.
Statistikat e tij ishin zhgënjyese: zero goditje (as në portë, as jashtë), 14 herë humbje topi dhe vetëm 9 pasime të sakta, një performancë e dobët për liderin dhe kapitenin e kombëtares egjiptiane.
