Barcelona fitoi 3–2 ndaj Real Madridit në finalen e Superkupës së Spanjës, por ndeshjen nuk e mbylli me 11 lojtarë. Frenkie de Jong u ndëshkua me karton të kuq në minutat e fundit.
Sipas Mundo Deportivo, mesfushori holandez pritet të dënohet me një ndeshje pezullim. De Jong do ta vuajë dënimin në Copa del Rey, ndaj do të mungojë në ndeshjen e radhës së Barcelonës kundër Racing Santander, e planifikuar për të enjten, 15 janar.
Aksioni që çoi te përjashtimi ndodhi në fund të takimit, kur De Jong kreu një ndërhyrje të rrezikshme ndaj Kylian Mbappé.
Ndërkohë, pati polemika edhe pas ndeshjes gjatë ceremonisë së trofeut: lojtarët e Real Madridit refuzuan të rreshtoheshin për “korridor nderi” për Barcelonën.
