Manchester City ka vendosur të shfrytëzojë afatin e merkatos së dimrit për të siguruar një përforcim të ri. Sipas insider-it të njohur Fabrizio Romano, sulmuesi i Bournemouth, Anthony Semenyo, do ta vazhdojë karrierën te klubi i Manchesterit, me Romanon që ka përdorur edhe shprehjen e tij të zakonshme: “here we go”.
Marrëveshja raportohet të ketë vlerën 65 milionë paund, ndërsa Semenyo pritet të firmosë një kontratë afatgjatë pasi të kryejë vizitat mjekësore, të planifikuara për të enjten, 8 janar.
Sipas raportimeve, lojtari zgjodhi Manchester City pavarësisht interesimit nga disa klube të mëdha, pasi dëshiron të punojë nën drejtimin e Pep Guardiola-s.
Ndërkohë, City pritet të ketë një mungesë të rëndësishme: mbrojtësi portugez Rúben Dias (28 vjeç) thuhet se do të qëndrojë jashtë fushave për rreth gjashtë javë, për shkak të një dëmtimi në hamstring.
