Gjinekologu Shkëlqim Balili sqaron se infertiliteti ndahet në femëror dhe mashkullor, me të njëjtën rëndësi për krijimin e shtatzënisë. Sipas tij, për një shtatzëni të suksesshme është e nevojshme që si veza ashtu edhe sperma të jenë të shëndetshme.
Ai thekson se nëse një çift nuk arrin të krijojë shtatzëni brenda 6 muajve marrëdhëniesh natyrale, atëherë një nga faktorët nuk funksionon siç duhet. Dr. Balili shton se në Shqipëri, për shkak të mentalitetit, faji i vihet shpesh gruas, padrejtësisht.
Sa i përket gjinisë së fëmijës, mjeku sqaron se ajo përcaktohet nga sperma e mashkullit, e cila përmban kromozomet X dhe Y, dhe jo nga gruaja.
