Barcelona po mendon seriozisht për afrimin e Yeremay Hernandez, anësorit 23-vjeçar të Deportivo La Coruña, dhe lëvizja mund të realizohet që në këtë merkato dimërore.
Sipas raportimeve, lojtari ka tërhequr vëmendjen e fortë të klubit katalanas. Skautët e Barcelonës po e ndjekin nga afër progresin e tij dhe pritet që të nisin kontaktet e para me Deportivon për të kuptuar kushtet e një transferimi të mundshëm.
Nga ana tjetër, Deportivo ka lënë të kuptohet se nuk e lëshon lehtë talentin e vet: klubi raportohet se e vlerëson Hernandez jo më pak se 40 milionë euro. Yeremay është produkt i akademisë së Deportivos dhe një kalim te Barcelona do të ishte hapi i parë i madh në karrierën e tij.
Kontrata e Hernandez me Deportivo është e vlefshme deri në vitin 2030, ndërsa Transfermarkt e vlerëson aktualisht kartonin e tij rreth 20 milionë euro.
