Një maune është përmbysur pasditen e sotme në afërsi të tunelit të Skërficës, në pjesën e Delvinës, përgjatë aksit rrugor Gjirokastër–Delvinë.
Sipas informacioneve paraprake, shkak i aksidentit dyshohet të ketë qenë prania e naftës në rrugë, e cila ka bërë që mjeti të humbasë kontrollin. Shoferi ka reaguar në kohë, duke shmangur përplasjen me automjetet që udhëtonin përpara tij.
Menjëherë në vendngjarje kanë mbërritur shërbimet e Policisë Rrugore dhe zjarrfikëset për menaxhimin e situatës dhe normalizimin e qarkullimit.
Fatmirësisht, nuk raportohet për persona të lënduar apo viktima, por vetëm dëme materiale.
