Miralem Pjanić ka njoftuar se ka vendosur të mbyllë përfundimisht karrierën si futbollist. Mesfushori, i njohur për periudhat e tij te Juventusi dhe Barcelona, ka konfirmuar se nuk do të rikthehet më në fushë.
Në një deklaratë për Tuttosport, Pjanić u shpreh se tashmë jeton në Dubai dhe se prioriteti i tij ka ndryshuar plotësisht.
“Nuk do të luaj më. E kam mbyllur karrierën. Tani jetoj në Dubai dhe nuk jam më futbollist, por baba i djalit tim të vogël: ai është prioriteti im,” tha Pjanić.
Karriera e tij kulmoi në nivelet më të larta të futbollit europian. Në vitin 2016 ai iu bashkua Juventusit, ndërsa në shtator 2020 kaloi te Barcelona. Më pas, Pjanić pati edhe një periudhë huazimi te Beşiktaş, ndërsa në 2022 firmosi me klubin nga Emiratet e Bashkuara Arabe, Sharjah.
