Ndonëse Rodrygo nuk pati fillimin më bindës të sezonit nën drejtimin e Xabi Alonsos, ndeshjet e fundit kanë treguar një ndryshim të madh. Braziliani ka filluar të shënojë dhe të jetë vendimtar, duke fituar besimin e plotë të trajnerit.
Sipas gazetës Marca, Alonso është gati t’i japë Rodrygos një rol protagonist në fushë. Trajneri dëshiron që loja e Real Madridit të kalojë më shumë përmes tij, duke kërkuar që sulmuesi të jetë më shpesh në kontakt me topin. Në katër ndeshjet e fundit, Rodrygo ka shënuar dy gola dhe ka dhënë një asistim, një përmirësim i ndjeshëm ky në krahasim me pjesën e parë të sezonit.
Ndërkohë, brenda klubit raportohet edhe për një periudhë frustrimi për Vinícius Junior, i cili përveç përshtatjes me trajnerin, është i pakënaqur edhe me bordin drejtues për shkak të çështjes së rinovimit të kontratës.
