Denisa, gruaja e tiktokerit të njohur Kozak, ka ndarë një rrëfim emocionues nga spitali, një ditë pasi përjetoi një aksident automobilistik.
Ajo dhe bebi i saj, fatmirësisht, janë në gjendje të mirë.
Nëpërmjet disa postimeve të ndjera në Instagram, Denisa reflektoi mbi atë që e quajti një provë të fortë të Zotit. E përshkroi ngjarjen si një moment që e bëri të kuptojë brishtësinë e jetës. Ajo tregoi se aksidenti i ndali frymën dhe e mbushi me frikë:
“Dje Zoti më vuri përballë një prove shumë të fortë. Një aksident që më ndali frymën dhe më mbushi me frikë.” Ajo theksoi se zemra i rrahu fort, duke menduar vetëm për jetën që mbante brenda saj.
Fatmirësisht, ajo konfirmoi se si ajo, ashtu edhe bebi i saj janë mirë.
“Në atë moment, mendja dhe zemra më shkuan te bebi im. Falë Zotit, si unë, si ai, jemi mirë,” shkroi ajo. Duke reflektuar mbi brishtësinë e jetës, ajo u bëri një thirrje të fortë ndjekësve: “Dje e kuptova sa e brishtë është jeta… Një moment, një përplasje dhe gjithçka mund të ndryshojë. Ju lutem, kujdesuni për veten dhe për njëri-tjetrin në rrugë.”
Denisa shprehu mirënjohje të thellë për mbështetjen e madhe që ka marrë nga ndjekësit dhe për mbrojtjen gjatë ngjarjes.
“Lutjet, mesazhet dhe dashuria juaj më kanë prekur thellë zemrën. Në ato momente frike, ndjeva forcën e Zotit dhe mbështetjen tuaj,” tha ajo. Ajo e quajti jetën një dhuratë dhe theksoi se sot ndjehet më e bekuar se kurrë: “Jeta është dhuratë… sot e ndjej më shumë se kurrë. Faleminderit që jeni pranë meje dhe bebit tim.”
Dhe e përfundoi duke shprehur mirënjohje të veçantë për të gjithë ata që u kujdesën. “I jam pafundësisht mirënjohëse Zotit për jetën, për makinën e sigurt dhe për engjëjt që na kanë shoqëruar. Faleminderit që zemra të gjithëve që më keni lëmtur dhe më keni dhënë forcë në këtë moment.”
