Me vendim të Gjykatës së Posaçme, janë sekuestruar 27 pasuri të Kreshnik Budlla e Erneo Farrukut, pjesë të klanit Farruku. Dyshohet se pasuritë e sekuestruara kanë ardhur nga paratë e siguruara prej trafikut të drogës dhe pastrimit të parave. Sipas njoftimit të mëposhtëm pasuritë e konfiskuara nga GJKKO janë toka bujqësore, apartamente, automjete dhe biznese, të regjistruara në emër të dy vëllezërve Kreshnik dhe Erneo Farrukut, si dhe të afërmve të tyre.
Gjithashtu në njoftimin e GJKKO, bëhet me dije se i është hequr sekuestro 40 pasurive të tjera. Tek pasuritë që iu është hequr sekuestro përfshihen apartamente, sipërfaqe toke, garazhe, automjete dhe biznese.
Dy vëllezërit drejtojnë klanin Farruku, grup që u godit në Spanjë në vitin 2023 pas një megaoperacion kundër trafikut të kokainës. Kreshnik Farruku, shqiptari me 10 emra, është në burg në Spanjë për trafik droge që prej vitit 2019. Në megaoperacionin e 2023 u kap 2 ton kokainë që dyshohet se ishte porositur nga klani Farruku në Ekuador dhe do futej në Spanjë.
