Karim Benzema ka folur hapur për të ardhmen e tij ndërkombëtare, duke bërë të qartë se nuk e përjashton një rikthim te Franca për Kupën e Botës 2026.
Sulmuesi i Al-Ittihad deklaroi për L’Équipe se do ta pranonte menjëherë një ftesë nga kombëtarja, nëse trajneri do t’i kërkonte të rikthehej:
“Kush mund të refuzojë një Botëror?” – u shpreh Benzema, duke nënvizuar rëndësinë e turneut për çdo futbollist.
Legjenda franceze po kalon një formë të shkëlqyer këtë sezon në Arabinë Saudite: në 12 ndeshje për Al-Ittihad ka shënuar 11 gola, duke treguar se mbetet një nga sulmuesit më të mirë në qarkullim.
Kujtojmë se paraqitja e tij e fundit me Francën daton në vitin 2022, në Ligën e Kombeve.
