Neymar e përfundoi sezonin e Série A braziliane duke luajtur me dëmtim, i vendosur të ndihmonte skuadrën, dhe tani është gati t’i nënshtrohet operacionit.
Sipas ESPN Brazil, ylli brazilian do të trajtohet nga një “mjek mrekullibërës”. Bëhet fjalë për një specialist të famshëm për kohë rikuperimi jashtëzakonisht të shpejta. Fizioterapisti, i quajtur Eduardo, është mjaft i njohur në të gjithë Brazilin pikërisht për këtë arsye, dhe për këtë Neymar ka vendosur t’i besojë – sulmuesi dëshiron të jetë gati në kohë për Kupën e Botës.
Në vitin 2015, Eduardo trajtoi David Luiz dhe e uli kohën e rikuperimit nga dy muaj, në vetëm 10 ditë.
Së fundmi, Neymar ka pranuar se ende nuk e di nëse do të qëndrojë te Santos. Ai do të marrë disa ditë pushim përpara se të marrë një vendim final, megjithëse Santos mbetet prioriteti i tij.
