Facebook ka njoftuar se disa përdorues po hasin vështirësi në aksesimin e rrjetit social, për shkak të një problemi teknik. Në një njoftim të lëshuar nga kompania, thuhet se ekipet janë duke punuar intensivisht për të adresuar dhe zgjidhur situatën sa më shpejt të jetë e mundur.
“Jemi të vetëdijshëm se një problem teknik po ndikon tek disa përdorues në aksesimin e Facebook-ut. Po punojmë që ta rikthejmë situatën në normalitet sa më shpejt të jetë e mundur dhe kërkojmë ndjesë për çdo shqetësim”, thuhet në komunikatën e kompanisë.
Ndërkohë, përdoruesit që janë prekur nga ky problem nuk janë vetëm në “Facebook”, por dhe “Instagram” e “WhatsApp”.
Facebook nuk ka specifikuar ende shkakun e këtij problemi, por ka siguruar përdoruesit se do të informojnë për çdo ndryshim.
