Forcat e policisë në Pukë, së bashku me forcat e specializuara RENEA, kanë rrethuar një banesë në fshatin Orosh, Fushë Arrëz që nga orët e para të mëngjesit të sotëm.
Operacioni po zhvillohet në një situatë tensionuese, pasi dyshohet se brenda në banesë ndodhen dy individë të kërkuar, Juljan Cumrraku dhe Arben Uka, i njohur si Hamza Uka.
Juljan Cumrraku, sipas informacioneve, është i lidhur me grupe terroriste dhe të dy ata kanë pasur aktivitet në Siri. Policia e Pukës e identifikoi fillimisht lokacionin dhe më pas forcat RENEA janë angazhuar për të kërkuar arrestimin e tyre.
Pavarësisht thirrjeve të policisë për dorëzim, individët nuk kanë treguar përshtatshmëri, duke e bërë situatën më të komplikuar. Sipas raportimeve, dyshimet janë se të dy personat janë të armatosur rëndë, një faktor që e vështirëson ndërhyrjen e forcave të rendit.
Në përpjekje për të bindur Juljan Cumrrakun të dorëzohet, policia ka marrë në pyetje vëllanë e tij, një strategji për ta ndihmuar situatën. Ky operacion ka ngjallur shqetësim tek qytetarët e zonës, ndërsa është shtuar prania e forcave të sigurisë për të garantuar rendin dhe sigurinë.
Autoritetet vazhdojnë përpjekjet për të zgjidhur situatën në mënyrë paqësore dhe të sigurt.
