Ekonomistët po shprehin shqetësim për prirjen e gjermanëve për të kursyer në mënyrë të tepruar, një sjellje që, sipas tyre, po ndikon negativisht në ekonominë e vendit.
Një sondazh i realizuar nga YouGov tregon se 75% e qytetarëve gjermanë mendojnë se është e domosdoshme të kursejnë, pavarësisht rritjes së pagave.
Sipas Katharina Gangl, drejtoreshë e Institutit të Nurembergut për Vendime Tregu, kjo sjellje është një reagim ndaj pasigurive ekonomike të shkaktuara nga inflacioni pas pandemisë.
Megjithatë, ajo paralajmëron se kursimi i tepërt po dëmton konsumin, tregtinë dhe marrëdhëniet e punës.
Si masë shtytëse për investim, ajo sugjeron madje edhe vendosjen e një takse mbi llogaritë e kursimit.
Ndërkohë, 49% e të anketuarve raportojnë se kanë arritur të kursejnë njësoj ose më shumë krahasuar me vitin e kaluar.
