I riu Luis Meçja i cili mbeti i plagosur mesditën e 18 nëntorit është nisur për kurim drejt Italisë. Burime për Report Tv bëjnë me dije se 14-vjeçari është nisur mëngjesin e kësaj të hëne, rreth orës 06:00 drejt Italisë për të marrë kurim më të specializuar, pasi u godit 4 herë me thikë, në stomak, në shpinë dhe në mushkëri.
Luis Meçja mbeti i plagosur në ngjarjen e 18-nëntorit në afërsi të shkollës “Fan Noli” në kryeqytet, ku bashkëmoshtari i tij, Mario Përlleshaj, qëlloi me thikë për vdekje Martin Canin si dhe la të plagosur 14-vjeçarin.
Më herët, familjarët e të miturit hapën një një llogari në “Gofundme” ku dhe kërkuan ndihmë financiare nga shqiptarët me qëllim që djali i tyre të kurohej jashtë vendit.
Në përshkrimin e vendosur në këtë llogari familjarët shkruanin se nuk kanë mundësi për të për të përballuar, spitalin, psikologen apo fizioterapisten.
