Ndeshja mes Everton dhe Liverpool, e planifikuar të zhvillohej sot në orën 12:30 (GMT) në “Goodison Park”, është shtyrë për shkak të kushteve të motit ekstrem. Stuhia Darragh ka përfshirë Anglinë Perëndimore me erëra që arrijnë deri në 145 km/h, duke nxitur Met Office të lëshojë një paralajmërim të kuq për “rrezik për jetën”.
Një deklaratë nga Everton thotë:
“Derbi i Merseyside i planifikuar për sot është shtyrë për shkak të kushteve të pafavorshme të motit. Detajet e plota do të pasojnë.”
Stuhia ka shkaktuar erëra të forta, rrëzime pemësh, ndërprerje të energjisë, dhe rrezik për objekte dhe shtëpi, duke bërë që miliona njerëz të këshillohen të qëndrojnë në ambiente të brendshme. Autoritetet vendosën të shtyjnë ndeshjen për të garantuar sigurinë e tifozëve dhe qytetarëve.
Data e re e zhvillimit të ndeshjes, e cila pritet të jetë derbi i fundit në “Goodison Park”, do të njoftohet së shpejti. Ndërkohë, mbetet e paqartë nëse do të shtyhen edhe ndeshje të tjera të Premier League këtë fundjavë për shkak të kushteve të ngjashme.
