Një aksident i rëndë rrugor është regjistruar ditën e sotme në zonën e Zall-Bastar, në periferi të Tiranës.
Sipas informacioneve të para, një automjet ka dalë nga rruga dhe ka rënë në një humnerë, në rrethana ende të paqarta. Në vendngjarje ndodhen shërbimet e Policisë, ambulanca dhe zjarrfikësja, të cilat po punojnë për nxjerrjen e trupave dhe sqarimin e shkaqeve të aksidentit.
Paraprakisht dyshohet se dy persona kanë humbur jetën si pasojë e rënies së automjetit në humnerë.
Grupi hetimor ndodhet në vendngjarje dhe po punon për identifikimin e viktimave dhe për të përcaktuar shkakun e aksidentit, ndërsa policia ka nisur hetimet për zbardhjen e plotë të rrethanave të ngjarjes.
