Drejtoria e policise se qarkut Vlore ka vënë në gatishmëri 265 efektivë për mbarëvajtjen e procesit zgjedhor të 9 nëntorit, ku qytetarët e Vlorës do të zgjedhin kryetarin e ri të bashkisë. Sipas burimeve zyrtare, forcat e rendit janë trajnuar paraprakisht për menaxhimin e situatave të mundshme gjatë ditës së votimit dhe për garantimin e sigurisë në çdo qendër votimi.
Efektivët do të jenë në detyrë që prej ditës së shtunë, kur do të marrin në dorëzim qendrat e votimit dhe materialet zgjedhore që do të ruhen deri në momentin e hapjes së procesit të votimit të dielën.
Policia do të ketë në monitorim të gjitha ambientet ku zhvillohet procesi, përfshirë qendrat e numërimit dhe selitë e KZAZ-ve.
Masat e sigurisë do të qëndrojnë në fuqi deri në përfundim të procesit të votimit dhe dorëzimin e të gjitha materialeve zgjedhore pranë Komisioneve Zonale të Administrimit Zgjedhor. Qëllimi kryesor, sipas Policisë së Shtetit, është garantimi i një procesi zgjedhor të qetë, të sigurt dhe në përputhje me ligjin.
Efektivë të policisë do të jenë në gatishmëri edhe gjatë procesit të numërimit të votave, por duke qëndruar jashtë ambienteve të komisioneve zonale me qëllim për të ecituar çdo situatë problematike që mund të krijohet.
Vlora voton të dielën për kreun e ri të bashkisë, ndërsa në garë janë tre kandidatë.
