Parma do të përballet me Milanin këtë të shtunë, një ndeshje e cila do të jetë nën vëzhgimin e veçantë të Mateo Pellegrinos. Sipas “La Gazzetta Dello Sport,” Pellegrino, një sulmues argjentinas i cili iu bashkua Parmës në shkurt, ka filluar të tërheqë interesin e Milanit për një transferim të mundshëm në të ardhmen. Nëpërmjet vëzhgimeve të mëparshme, klubi kuqezi ka pasur raporte pozitive për të.
22-vjeçari mund të jetë një përforcim i rëndësishëm për Milanin, sidomos me merkaton dimërore që po afrohet. Megjithatë, situata është komplekse, pasi Parma po lufton për mbijetesë në Serie A dhe do të ketë vështirësi për të lënë të lirë një futbollist kyç. Po ashtu, Milani ka shpenzuar shumë gjatë verës dhe nuk është i sigurt nëse do të realizojë një blerje të përhershme, por ka në plan të marrë lojtari me huazim me opsion blerjeje.
Në listën e drejtorit sportiv Igli Tare, Pellegrino nuk është i vetmi emër. Të tjerët si Joaquin Panichelli, Jonathan Burkardt dhe Dovbyk kanë tërhequr gjithashtu vëmendjen e Milanit. Rreth Pellegrinos, avantazhi i tij është njohja e thellë me Serie A dhe çmimi i përballueshëm, pasi Parma e bleu atë për vetëm 2 milionë euro. Së fundmi, mosha dhe potenciali për përmirësim janë gjithashtu faktorë të rëndësishëm në vlerësimin e tij.
Megjithëse Pellegrino është fokusuar te skuadra e Parmës dhe nuk ka menduar për të ardhmen, ai e di se ky sezon është tepër i rëndësishëm për karrierën e tij. Ai nuk ka shënuar që nga 29 shtatori dhe dëshiron të japë një performancë të mirë për të ndihmuar skuadrën, sidomos në ndeshjen me Milanin. Një gol në këtë sfidë mund të ndryshojë shumë për të dhe mund të bindë Milanin që ai është investimi i duhuri për të ardhmen.
