Bashkëpunëtori i drejtësisë Artan Tafani në seancën e sotme gjyqësore para trupës së GJKKO-së ka rrëfyer një tjetër bisedë, kësaj radhe për të vrarë ishte Elton Mermali që ka marrë pjesë në vrasjen e djalit të xhaxhait të Laert Haxhisë.
Mermali rezulton anëtar i bandës së Aldo Bares.
Ndërkaq, pas më shumë se 5 orësh dëshmia e Tafanit u ndërpre për të vijuar me 11 qershor.
Dëshmia e Artan Tafanit
Gjate kohës që Laerti ishte në Greqi, Elton Mermali kishte probleme psiqike. Disa ditë para vrasjes më thotë Laerti “kam mall, merre shite, bëj ç’të duash”.
Një natë më parë ishim në Pogradec te shtëpia e Mariglen Topuzit dhe po iknim në Lushnje dhe kaloj në Peqin. Aty ndalojmë, kontrollojmë poshtë urës për ta vendos ku do ta bëjmë.
Më thonë mua shko gjeje Elton Mermalin. Më thonë shko me makinën tënde. Shkoj unë e kërkoj dhe nuk e gjej. Parkoje makinën dhe gjej Eltonin dhe marr makinën dhe më ndjek ky. Hipim në makinë, ikim te shtëpia ime.
I them Eltonit hajde se do gjejmë mallin se e kam fshehur në ferra. Eltoni ishte para me Lulzimin, unë nga mbrapa. I gjuajta nga mbrapa dhe armën ma kishte sjellë Lulzim Arapi.
Ky i fundit më thotë “një herë i gjuajte?” dhe unë i thashë “po”.
Pastaj Lulzim Arapi mori armën dhe e gjuajti edhe dy herë. Ikim dhe sa hipim në makinë e mora unë pistoletën dhe i them Lulzimit “çmontoje”.
Gjatë rrugës për Lushnje, Lulzimit gjatë pastrimit, arma i shkrepi dhe ai plagosi veten në gishtin e këmbës.
Në urën e Rrogozhinës kam hedhur selenciatorin dhe fishekun. Lulzimin e çoj në Lushnje. Laerti me jep disa ilaçe për ta mjekuar dhe ia fashoj.
Nuk e gjetën armën për vrasjen e Elton Mermalit. E mora Lulzimin e çova në Tiranë pastaj dhe u ktheha në Lushnje.
Fola me Lulzimin pastaj, më tha është gjetur trupi i viktimës. Nisem për në Durrës nga rruga që ikën për Tiranë, nga Ndroqi. Në një restorant atje ishte Bledari me Laertin po prisnin aty, bashkë me dy çuna të tjerë.
Ishin policë ata, njeri ishte inspektor në Elbasan, po hanin drekë aty. Më sugjeruan një parkim për të çuar makinën time.
