Vajza e Selim Velsulës, 56-vjeçarit që u masakruan me thikë mbrëmjen e së mërkurës (11 Maj) në Klos, është shprehur se nuk do e falin gjakun e babait të saj.
Ajo ka deklaruar se autori i krimit duhet të dënohet me burgim të përjetshëm, ose paralajmëroi “ne do t’i shkojmë kësaj gjejë deri në fund”.
Vajza e viktimës u shpreh se 32-vjeçari nuk ishte në depresion dhe se kishte ardhur i përgatitur nga Tirana.
Ndërsa deklaroi se babai i saj ishte duke kullotur bagëtitë kur Hazbi Velsula e ka dhunuar me hunj, si edhe e goditi me thikë.
“Nuk është me depresion. Ka ardhur me vetëdije. Po të ishte me depresion nuk do kishte ardhur nga Tirana me vetëdije, ka ardhur i përgatitur. Ka ardhur me hunj dhe thika. Im atë ishte duke kullotur lopët, s’ka pasur zënkë me të dhe s’ka bërë asnjëherë fjalë me të.
Ne nuk e falim kurrë gjakun, duam të dënohet me burgim të përjetshëm ose nëse do të dalë i lirë ne nuk e falim gjakun, do i shkojmë deri në fund.
Babai im ka qenë me lopët, ai i ka shkuar me hunj dhe thikë. Ka ardhur i përgatitur nga Tirana për këtë punë. E ka goditur me hunj, me thikë, e ka çarë, e ka tërheq zvarrë dhe e ka lënë aty shuk dhe ka ikur.
E ka tërhequr zvarrë dhe e ka nxjerrë në rrugë, Babai im s’ka pasur konflikt me të, shkonin e vinin me njëri-tjetrin. Nuk e falim kurrë, sikur qielli të bashkohet me tokën nuk e fal gjakun e babait tim. Nëse ai del nga burgu, nëse nuk bën burgim të përjetshëm ne do ta marrim hakun, gjakun e babait tonë, kurrë nuk e fal”, deklaroi vajza e viktimës.
