Roberto Mancini është zyrtarisht trajneri i ri i kombëtares italiane. Lajmi u konfirmua nga presidenti i Federatës Italiane të Futbollit, Giovanni Malagò, pas përfundimit të mbledhjes së Këshillit Federal.
“Trajneri i ri i kombëtares është Roberto Mancini. Besoj se ishte zgjedhja më e mirë dhe marr përgjegjësinë e plotë për këtë vendim”, deklaroi Malagò.
Mancini rikthehet në krye të “Azzurrëve” pas largimit të tij në verën e vitit 2023. Ai do të prezantohet zyrtarisht të nesërmen, së bashku me Claudio Ranierin.
Ranieri është emëruar drejtor teknik dhe president i Club Italia, duke marrë një rol të rëndësishëm në projektin e ri të futbollit italian.
Malagò sqaroi gjithashtu se ndarja me Paolo Maldinin dhe Leonardon erdhi me marrëveshje të përbashkët dhe pa konflikte, pas dështimit të kandidaturës së Andrea Pirlos.
Federata synon të punojë njëkohësisht për rezultatet e menjëhershme të kombëtares dhe për zhvillimin afatgjatë të talenteve të reja, me objektiv krijimin e një brezi konkurrues për Europianin e vitit 2032.
