Manchester City është shpallur fajtor nga komisioni i pavarur për shkelje serioze të rregullave financiare të Premier League gjatë periudhës 2009-2018.
Sipas njoftimit zyrtar, klubi ka fshehur gjendjen reale të financave dhe ka fryrë të ardhurat me rreth 920.7 milionë paund, mbi 1 miliard euro. Komisioni e ka gjetur Cityn fajtor për të 115 akuzat e ngritura ndaj tij, përfshirë edhe mungesën e bashkëpunimit gjatë hetimit.
Dënimi ende nuk është përcaktuar. Mes masave të mundshme përmenden gjoba, zbritja e pikëve, përjashtimi nga kompeticioni apo edhe heqja e titujve.
Manchester City ka reaguar duke mohuar akuzat dhe ka konfirmuar se do ta apelojë vendimin. Klubi ka afat deri më 2 tetor për të nisur procedurën e apelimit.
Drejtori ekzekutiv i Premier League, Richard Masters, e cilësoi këtë si një nga çështjet disiplinore më të rëndësishme në historinë e kampionatit anglez.
