Real Madridi ka zyrtarizuar transferimin e Yan Diomandes nga RB Leipzig. Sulmuesi anësor 19-vjeçar ka firmosur një kontratë shtatëvjeçare, të vlefshme deri në vitin 2033.
Klubi madrilen do të paguajë 125 milionë euro të garantuara, ndërsa marrëveshja përfshin edhe 15 milionë euro të tjera në formën e bonuseve. Diomande bëhet kështu blerja më e shtrenjtë në historinë e Real Madridit për shumën fikse, duke kaluar Jude Bellinghamin.
Talenti nga Bregu i Fildishtë zgjodhi madrilenët përpara PSG-së, Manchester Cityt dhe Liverpoolit. Roli i Juni Calafat ishte vendimtar për ta bindur që të transferohej në “Santiago Bernabéu”.
Zyrtarizimi u vonua për shkak të një mosmarrëveshjeje ligjore me ish-agjentin e lojtarit, por çështja është zgjidhur tashmë. Me afrimin e Diomandes, Real Madridi ka hequr dorë përfundimisht nga pista Michael Olise.
Diomande mund të luajë në të dy krahët e sulmit dhe dallohet për shpejtësinë, driblimin dhe aftësinë në duelet një kundër një.
