Real Madrid ka zyrtarizuar transferimin e Marc Cucurellas nga Chelsea. Mbrojtësi spanjoll ka firmosur kontratë gjashtëvjeçare me klubin madrilen, e vlefshme deri më 30 qershor 2032.
Cucurella bëhet përforcimi i parë zyrtar i Real Madrid të ri të José Mourinhos dhe presidentit Florentino Pérez. 27-vjeçari rikthehet kështu në La Liga pas pesë sezonesh në Premier League, ku luajti fillimisht me Brighton dhe më pas me Chelsea.
“Real Madrid C. F. dhe Chelsea FC kanë arritur marrëveshje për transferimin e lojtarit Marc Cucurella, i cili do të jetë i lidhur me klubin tonë për gjashtë sezonet e ardhshme, deri më 30 qershor 2032”, thuhet në komunikatën e klubit madrilen.
Shifrat e operacionit nuk janë bërë publike zyrtarisht, por raportimet tregojnë se Real Madrid do të paguajë rreth 55 milionë euro për mbrojtësin e majtë.
Cucurella, i formuar në akademinë e Barcelonës, ka luajtur më parë në Spanjë edhe për Eibar dhe Getafe. Te Real Madrid pritet të sjellë intensitet, forcë në mbrojtje dhe ndihmë në fazën sulmuese.
Sipas raportimeve, transferimi u mbyll në vetëm 48 orë dhe ishte një kërkesë direkte e José Mourinhos, i cili madje ka kontaktuar personalisht lojtarin për të përshpejtuar marrëveshjen.
Cucurella ka kaluar vizitat mjekësore dhe do t’i bashkohet skuadrës pas përfundimit të Botërorit në Kanada, SHBA dhe Meksikë.
