Një shtëpi e pabanuar është djegur në fshatin Kosovë e Vogël në Lushnje.
Banesa është në pronësi të shtetasit Fiqiri Nexha, prej vitesh ishte e zbrazët pasi pronari i saj nuk jetonte aty.
Pronari kishte lënë porosi një fqinji të tij që të kujdesej për banesën në të cilën vinte rrallë. Ka qenë pikërisht fqinji i cili pasi ka vënë re flakët ka kërkuar ndërhyrjen e zjarrfikësve.
Në vendngjarje kanë shkuar forcat zjarrfikëse të Lushnjes ndërsa kanë arritur të vënë nën kontroll zjarrin, ndërsa policia po kryen veprimet procedurale pasi dyshohet për zjarrvënie të qëllimshme.
