Presidenti ukrainas Volodymyr Zelensky ka komentuar përplasjen e tij me Presidentin amerikan Donald Trump dhe zëvendëspresidentin JD Vance, duke thënë se grindjet mes tyre nuk ishin të mira për asnjërën palë.
Zelensky theksoi se marrëdhëniet mes Ukrainës dhe SHBA-ve janë të forta dhe historike, dhe shprehu optimizëm se ato mund të shpëtohen. Ai falënderoi popullin amerikan për ndihmën dhe theksoi se është i angazhuar për të ruajtur miqësinë dhe bashkëpunimin mes dy vendeve.
“Po, sigurisht, sepse janë marrëdhënie më shumë se dy presidentë. Janë marrëdhëniet historike, marrëdhëniet e forta midis popujve tanë”, tha Zelenskyy.
“Jam falënderues për presidentin, dhe, natyrisht, për Kongresin, por para së gjithash, për popullin tuaj. Njerëzit tuaj ndihmuan në shpëtimin e popullit tim… ne donim shumë që të kishim marrëdhënie të forta. Unë thjesht dua të jem i sinqertë dhe vetëm dua që partnerët tanë ta kuptojnë situatën saktë. Kjo është për ne që të mos humbasim miqësinë tonë,” tha ai më vonë.
