Një operacion i madh antidrogë në Itali çoi në zbulimin e një laboratori të madh të kokainës, sekuestrimin e 10 kg drogë dhe 40 mijë euro cash, si dhe arrestimin e 11 personave. Operacioni u zhvillua në zonat e Aprilia, Teramo dhe Abruzzo, me koordinimin e prokurorit vendor dhe Skuadrës së Chieti-t.
Sipas mediave italiane, shqiptari që drejtonte laboratorin e paketimit të kokainës u arrestua në flagrancë gjatë aksionit të parë. Një pjesë e të ndaluarve u morën me masa paraprake, përfshirë një në burg dhe një nën arrest shtëpiak.
Operacioni përfshiu dhjetë kontrolle shtëpish, përfshirë qytetet Lanciano, Pescara dhe Aprilia. Në Aprilia, policia sekuestronte 250 gramë kokainë dhe dy pistoleta nga shtëpia e shqiptarit.
Hetimi filloi pas një grabitjeje më 25 prill kundër një të riu në Chieti, e cila lidhej me borxhe për drogë dhe u konstatua se dy grabitësit drejtonin një bandë kriminale aktive në shitjen e kokainës, hashashit dhe marihuanës.
Përveç shqiptarit që drejtonte laboratorin e kokainës, një çift u akuzua për kanabis, ndërsa 26-vjeçarja Joyce Cocco dhe 32-vjeçari kubanez Amed Quesada merreshin me kultivimin e kanabisit. Shqiptari u akuzua gjithashtu për prodhim dhe posedim të armës zjarri.
