Rreth orës 09:20, Komisariati i Policisë Pukë ka marrë një telefonatë nga shtetasi Gj. T., i cili njoftoi se në fshatin Krrabë ndodhej një person i shtrirë pranë antenave.
Menjëherë, shërbimet e Policisë, emergjencës civile dhe të shëndetësisë kanë shkuar në vendngjarje, në zonën e Midës, ku kanë gjetur shtetasin Lumturi Kamberi, rreth 50 vjeç, punonjës i një kompanie celulare, i cili dyshohet se kishte shkuar për të rregulluar një defekt në antenë.
Shtetasi Kamberi është transportuar me helikopter drejt Spitalit të Traumës për ndihmë mjekësore.
Grupi hetimor, nën drejtimin e Prokurorisë, po punon për sqarimin e rrethanave të rastit.
