Albanian
English
Italian
Mediat italiane kanë raportuar detaje të tjera tronditëse nga vrasja e 22-vjeçares shqiptare në Itali, Ilaria Sula.
Autor i dyshuar i ngjarjes është ish i dashuri i saj filipinas, Mark Samson, i cili e ka kryer krimin në banesën e tij, në Via Homs.
Sipas mediave italiane, 23-vjeçari ka pranuar se në momentin e ngjarjes, prindërit e tij ndodheshin në apartament dhe se ata u larguan në orët e mëngjesit.
Aktualisht, nuk është e qartë nëse ata kanë qenë në dijeni të asaj që ndodhi apo nëse kanë pasur ndonjë rol në krim.
Ata do të dëshmojnë përpara hetuesve, për të hedhur më shumë dritë mbi ngjarjen.
Samson, pas vrasjes ka vazhduar të përdorë telefonin e Ilarias, duke fshirë llogaritë e saj në rrjetet sociale dhe duke iu përgjigjur mesazheve të miqve të saj për të shmangur dyshimet. Madje, ai shkoi në apartamentin e shoqeve të saj të dhomës, duke u shfaqur i shqetësuar për zhdukjen e saj.
E reja shqiptare u denoncua e zhdukur nga familjarët më 25 mars, ndërsa mëngjesin e sotëm, 2 prill u gjet e vrarë. Trupi i saj, i futur në një valixhe u gjet i hedhur në një zonë të pyllëzuar afër Romës./ilirianews.al
