Ditën e sotme u përcoll për në banesën e fundit Anesti Rama, i cili u vra nga vajza e tij.
Vajza e madhe e viktimës e cila kishte ardhur nga Itali në një pronocim për mediat ka treguar për mënyrën se si e mori vesh për vdekjen e babait të saj.
Kristiola Rama tha se kur erdhi për të marrë pjesë në ceremoninë e varrimit të atit mësoi një tjetër version të ngjarjes, ndryshe nga ajo që i ksihte treguar motra e saj Emanilda.
Ajo tha se motra e saj e kishte telefonuar mbrëmjen e së martës për t’i thënë se i ati kishte ndërruar jete. Në një moment ajo tha se dëgjoi zërin e të atit por e ëma e siguroi se ai kishte vdekur teksa lante trupin e të ndjerit.
“Nga ora 8 më ka marrë motra në telefon që babi kishte rënë në banjo dhe më tha kështu ‘o motra ka rënë babi në banjo’. Ça po thua, i thashë dhe ajo më pas e fik telefonin. Pastaj e marr pas 5 minutash dhe më thotë mami ‘ik se po merremi me babain’, a po e vishnin, a po e lanin nuk e di. Fillova të merrja pastaj në telefon kunatën time, sepse i rashë mamit prapë dhe nuk ma hapi telefonin. Mora kunatën që të vinte këtu dhe të merrja vesh. Kur po e lante mami dëgjova një si zë…unë jetoj në Itali. Ishin shumë mirë, unë me prindërit me motrën kam folur gjithmonë, flisja përditë, i merrja 10 herë në ditë në telefon. Flisja me babin, ishte shumë gjë në rregull. Çdo gjë ka qenë mirë. Punonte edhe mami, edhe babi edhe motra. Motra nuk kishte të dashur”, tha vajza e madhe e Anesti Ramës,
