Cabo Verde shkroi historinë në debutimin e saj të parë në Kupën e Botës, duke marrë një barazim të madh 0-0 ndaj Spanjës, një prej favoriteve kryesore për trofeun.
Heroi i ndeshjes ishte portieri 40-vjeçar Vozinha, i cili bëri disa pritje vendimtare dhe mbajti të paprekur portën e skuadrës afrikane në një mbrëmje të paharrueshme në Atlanta.
Pas ndeshjes, portieri nuk i fshehu emocionet dhe e cilësoi këtë moment si realizimin e ëndrrës së jetës.
“Kam ëndërruar gjithë jetën për këtë moment. Kam punuar gjithë jetën për këtë moment. Arrita të jem këtu dhe ta ndihmoj skuadrën me eksperiencën time, ndaj jam shumë i kënaqur”, u shpreh Vozinha.
Barazimi ndaj Spanjës është një rezultat historik për Cabo Verde, që në ndeshjen e parë në Botëror arriti të ndalë një nga skuadrat më të forta të turneut.
