Deputetja Marjana Koçeku e ftuar në programin e drekës në News 24 deklaroi se vlera më e madhe e protestës është konsistenca dhe i ngjan një revolucioni permanent. Ajo tha se pushteti duhet të trembet nga protesta dhe të reflektojë.
Po ashtu Neomalsorja tha se protetsa ka zhbërë mitet dhe ka ndërgjegjësuar njerëzit mbi forcën e bashkimit.
“Vlera më e madhe e kësaj proteste është konsistenca. Protesta ka korrur fitore, por ka vendosur një kulturë të re politike në vendin tonë. Historia e protestave ka qenë negative sepse ata që i kanë marrë përsipëro kanë mbytur. Kjo protestë e ka zhbërë mitin, ky është një revolucion premanent dhe qytetarët po ndërgjegjësohen për forcën e bashkimit.
Më ngjan me një revolucion permanent sepse një protestë duhet të rezistojë, nuk ka një recetë për protestat, por e rëndësishme është konsistenca.
Mendoj se pushtetarët duhet t’i tremben poullit, mendoj se duhet të reflektohet mbi gjëra për të cilat janë në kohë për të reflektuar.
Nuk jam penduar, e kërkon koha dhe vendi këtë lloj rezistence, nuk ka qenë ëndrra ime politika, pasi isha e fokusuar te ndërtimi i një rrjeti ekologjik, frymëzimi i banorëve për t’u rikthyer te kullat sepse mendoj se kemi asetet më të bukura konkurruese për të zhvilluar turizmin, por duhen politika”, tha ajo.
