Ish-drejtoresha për përmirësimin dhe mbrojtjen e të drejtave dhe lirive të njeriut në Ministrinë e të Drejtave të Njeriut dhe Minoriteteve në Mal të Zi, Mirjana Pajkoviq, ka zbuluar se po themelon partinë e saj politike.
Gjatë një paraqitjeje në një emision televiziv, ajo tha se ka nisur procesin për krijimin e një partie të re, e cila do të quhet “Stranka evropskog koraka slobode”, që në shqip do të thotë “Partia e hapit evropian të lirisë”, ndërsa shkurtimi i saj do të jetë SEKS.
Ajo theksoi se është politikane dhe se synon të hyjë në parlament me këtë parti.
Pajkoviç gjithashtu foli për profilin e saj në një faqe për të rritur, duke treguar se ka marrë kërkesa të ndryshme nga përdoruesit.
Ajo përmendi se një nga kërkesat ishte që për dy minuta të pastronte shtëpinë, pa qenë e detyruar të ishte e zhveshur.
Kujtojmë se, skandali lindi kur në rrjetet sociale u shfaqën video intime ku shihej Pajkoviç me Vuksiç.
Në fund të vitit të kaluar, Pajkoviq ngriti tre padi penale kundër Vukshiqit, duke e akuzuar atë për shpërndarje të paautorizuar të regjistrimeve eksplicite të saj.
Prokuroria në Mal të Zi ka bërë të ditur se ka nisur hetimet paraprake për të sqaruar rrethanat e rastit dhe për të identifikuar përgjegjësit./
