Situata në Rrjoll është tensionuar sërish ditën e sotme, ku banorët e zonës kanë ngritur një protestë të fuqishme kundër ndërtimit të një resorti turistik në pronat e tyre.
Përplasja ka degraduar kur banorët kanë mbyllur rrugën dhe kanë arritur të shkulin e të heqin me forcë një pjesë të rrethimit me tela dhe mure të larta që rrethonte kantierin e ndërtimit.
Punimet kanë nisur që në muajin shkurt të këtij viti, por ditët e fundit kompania kishte nisur një “fortifikim” të papritur të zonës me mure të larta, gjë që ka sjellë edhe revoltën e menjëhershme të komunitetit.
