Tornadoja që përshkoi Misurin dhe Kentukin, SHBA, nga e premtja deri të shtunën ka lënë pas një shkatërrim të madh.
Si pasojë në Misuri 23 persona humbën jetën.
Në Qarkun Scott, Misuri, Sherifi Derick Wheetley postoi: “Sot, qarku ynë u godit nga një tornado shkatërruese në rajonin jugor, duke shkaktuar dëme të konsiderueshme në disa zona rurale.”
“Tornadoja u zhvendos nga pjesa lindore e qarkut, duke lënë pas një gjurmë shkatërrimi, me shumë shtëpi të shkatërruara plotësisht”, vazhdoi Wheetley.
Sipas mediave të huaja, të total kanë humbur jetën 27 persona.
“Po punojmë shumë këtë mëngjes duke adresuar dëmet tragjike dhe vdekjet e shkaktuara nga moti i keq i së shtunës në mëngjes”, shkroi guvernatori i Kentucky-t, Andy Beshear të dielën në mëngjes në X.
“Po sigurojmë mundësi strehimi emergjent dhe po shqyrtojmë vende për strehim të ndërmjetëm.”
Guvernatori tha se 17 nga viktimat ishin në Qarkun Laurel dhe një ishte në Qarkun Pulaski. Një nga të ndjerit ishte zjarrfikës i Qarkut Laurel, tha Beshear.
“Ka marrë shumë jetë njerëzish”, tha Beshear. “Shtëpi ku nuk ka asnjë mur të vetëm. Shtëpi që i kanë të katër muret, por e kanë humbur personin brenda”.
Ekipet e anketimit do të jenë në terren të hënën për të mbledhur informacion që shteti të aplikojë për ndihmë federale, sqaroi Beshear.
