Kapiteni i një anijeje u arrestua pasi varka shpërtheu në Long Island Sound në New York City, duke detyruar më shumë se 20 persona të hidheshin në ujë.
Zyrtarët thonë se tre persona u plagosën dhe 19 të tjerë u detyruan të notonin për të shpëtuar jetën nga flakët pasi ato përfshinë anijen.
Varka u përfshi nga flakët rreth orës 8:30 të mbrëmjes të së shtunës, ndërsa ishte në lumin Sound pranë City Island, në Bronx, ndërsa ekipet e ndihmës së shpejtë nxituan në vendngjarje.
Imazhet e shpërndara në mediat sociale tregojnë re të dendura tymi që ngrihen nga anija.
Një tjetër klip tregon zjarrin që ka përfshirë pjesën e pasme të varkës, me të gjithë personat në bord që vrapojnë drejt pjesës së përparme të anijes.
Tre persona u nxorën nga ujërat, ndërsa pjesa tjetër arriti të shkonte në një ishull aty pranë, ku pritën të ktheheshin në breg nga Roja Bregdetare.
Burime i kanë thënë gazetës The New York Post se zjarri filloi për shkak të një shpërthimi në bord, por zyrtarët ende nuk kanë identifikuar një shkak zyrtar.
Një dëshmitar i tha medias: “E vetmja gjë që pashë ishte një re tymi ndërsa ecja nëpër bllok.”
