Një nënë dhe vajza e saj e vogël shpëtuan nga mbytja në La Ciotat, pranë Marsejës, kur makina në të cilën udhëtonin përfundoi brenda një pishine të brendshme në një qendër sportive. Ngjarja ndodhi të mërkurën në mbrëmje.
Sipas autoriteteve lokale, 38-vjeçarja që drejtonte automjetin, një Jaguar XF, duke e manovruar makinën në parkimin e qendrës, dyshohet se ngatërroi frenin me gazin. Automjeti përshkoi një pjerrësi, goditi gardhin mbrojtës dhe e shkatërroi atë, më pas kaloi përmes xhamit të ndërtesës dhe përfundoi brenda pishinës prej 25 metrash, duke përshkuar rreth 30 metra rrugë të pakontrolluar.
Në momentin e aksidentit, rreth 20 persona ndodheshin në pishinë. Nënë e bijë mbetën të bllokuara brenda makinës që po fundoshej, por falë ndërhyrjes së dy rojeve të pishinës dhe një qytetari që ndodhej aty, ato u nxorrën në kohë dhe shpëtuan nga situata e rrezikshme.
Asnjë nga të aksidentuarit nuk pësoi lëndime serioze. Një burrë pësuar lëndime të lehta nga thyerja e xhamit, ndërsa nënë e bijë u dërguan për kontroll në spital, ku u konstatua se gjendja e tyre shëndetësore është e mirë.
Autoritetet lokale njoftuan se zjarrfikësit do të heqin makinën nga pishina, ndërsa qendra sportive do të qëndrojë e mbyllur për një kohë të pacaktuar, për shkak të dëmeve të konsiderueshme të shkaktuara në ndërtesë.
/ilirianews.al
