Policia e Vlorës ka gjetur armën e zjarrit, me të cilën u vetëplagosë ditën e djeshme një 36-vjeçar.
Ngjarja ka ndodhur në qytetin e Vlorës, ku shtetasi O. A. u vetëplagos, ndërsa shoku i tij, G. M., fshehu armën e zjarrit pas incidentit.
Sipas njoftimit të policisë, arma e markës Ekol Special, e cila mbahej pa leje, u gjet e fshehur mes luleve në një rrugicë në lagjen “Hajro Çakërri” dhe u sekuestrua bashkë me një gëzhojë të gjetur në vendin e ngjarjes.
“Në vijim të veprimeve hetimore, në kuadër të ngjarjes së ndodhur më datë 03.10.2025, në qytetin e Vlorës, ku një 36-vjeçar, O. A., u vetëplagos me armë zjarri dhe shoku i tij, G. M., pas ngjarjes fshehu armën e zjarrit, shërbimet e Komisariatit të Policisë Vlorë kanë vijuar veprimet për gjetjen e armës së zjarrit, tip pistoletë, të dyshuar të përdorur në ngjarje.
Arma e zjarrit e cila posedohej pa leje, e markës Ekol Special, u gjet në lagjen “Hajro Çakërri”, Vlorë, në një rrugicë, e fshehur mes luleve, dhe u sekuestrua së bashku me një gëzhojë të gjetur në vendin e ngjarjes. Materialet shtesë do t’i referohen Prokurorisë, për veprime të mëtejshme.”, sqaron policia.
