Ferrari ka prezantuar makinën e saj të parë plotësisht elektrike, modelin “Luce”, me një çmim prej rreth 640 mijë dollarësh.
Automjeti shënon një kthesë historike për markën italiane, e njohur prej dekadash për motorët e saj me benzinë dhe performancën sportive.
Sipas raportimeve të mediave ndërkombëtare, “Luce” largohet nga dizajni tradicional i Ferrari-t, pasi është modeli i parë me pesë vende i kompanisë dhe është zhvilluar në bashkëpunim me kompaninë e dizajnit LoveFrom, e themeluar nga ish-drejtori i dizajnit të Apple, Jony Ive.
Modeli synon të kombinojë luksin, teknologjinë dhe performancën elektrike në një format krejt ndryshe nga supermakinat klasike të Ferrari-t.
Megjithatë, prezantimi i makinës ka ndezur debat në rrjetet sociale. Disa përdorues e kanë cilësuar “një katastrofë për markën”, duke kritikuar largimin nga identiteti tradicional i Ferrari-t, ndërsa të tjerë e kanë vlerësuar si “një masterclass absolut në dizajn” dhe një hap guximtar drejt së ardhmes elektrike.
