Mali Sinai, një nga vendet më të shenjta në botë, po përballet me një transformim të dukshëm, pasi autoritetet egjiptiane po ndërtojnë një mega-resort luksoz në këtë zonë me rëndësi historike dhe shpirtërore për hebrenjtë, të krishterët dhe myslimanët. Pelegrinët kanë vizituar për shekuj malin e njohur si Jabal Musa, ku ndodhet edhe Manastiri i Shën Katerinës, një nga manastiret më të vjetra në përdorim. Megjithatë, tani ky kompleks po kthehet në një destinacion turistik me hotele luksoze, vila, dhe qendra tregtare, përfshirë një teleferik deri në majë të malit.
Reformat e ndërmarra kanë ngjallur shqetësim për komunitetin lokal. Komuniteti beduin Jebeleya, i njohur si “Rojet e Shën Katerinës,” po përjeton zhvendosje të detyruar dhe shkatërrim të shtëpive. Më gati, janë raportuar raste të zhvarrimit të trupave nga varrezat lokale për ndërtimin e një parkingu pranë manastirit, një veprim që ngre shqetësime mbi respektimin e trashëgimisë kulturore.
Projektin, i quajtur “Transformimi i Madh”, qeveria e Egjiptit e promovon si një “dhuratë për botën,” por kritikët, si shkrimtari britanik Ben Hoffler, theksojnë se ky zhvillim nuk është i qëndrueshëm dhe nuk i shërben komunitetit lokal. Edhe UNESCO ka shprehur shqetësime mbi dëmtimin e peizazhit malor dhe ka kërkuar ndalimin e ndërtimit, por punimet vazhdojnë.
Përplasjet diplomatike, të përfshira Greqinë dhe Patrikanën Ortodokse të Jeruzalemit, kanë shtuar tensionet, sidomos kur kjo e fundit i kujtoi Egjiptit dokumentin historik që ofronte mbrojtje për manastirin nga Profeti Muhamed, duke e cilësuar atë si simbol të paqes mes feve. Organizata si World Heritage Watch dhe St Catherine Foundation, me mbështetje nga Mbretit Charles i Britanisë, po kërkojnë që zona të shpallet “Trashëgimi Botërore në Rrezik.”
Egjipti, përballë krizave të fundit, shpreson të ringjallë industrinë turistike dhe të arrijë 30 milionë turistë deri në vitin 2028. Megjithatë, mungesa e përfshirjes së komuniteteve lokale në këtë proces zhvillimi duket se ngre të njëjtat shqetësime si ato të përjetuara në zhvillimin e turizmit në Detin e Kuq në vitet ‘80.
