Komisioneri për Zgjerim i Bashkimit Evropian, Oliver Varhelyi, ka vlerësuar arritjen e hapjes së grup-kapitujve të parë të Shqipërisë me Bashkimin Evropian.
“Në këtë muaj hapëm grup-kapitullin e parë të zgjerimit me Shqipërinë dhe kjo ndodhi vetëm këtë vit. Jam shumë krenar që shoh propozimet tona dhe Këshilli ka pranuar dhe është duke punuar për to”, tha ai.
Gjatë një konference për mediat, Varhelyi theksoi rëndësinë e diskutimit për zgjerimin në nivelin e liderëve të BE-së, duke e quajtur këtë një nevojë për Evropën.
Ai theksoi se korrupsioni nuk ka vend në Bashkimin Evropian dhe i kujtoi vendeve kandidate se anëtarësimi varet nga përpjekjet dhe arritjet konkrete.
Sipas tij, ky raport i fundit i komisionit është një mundësi për të reflektuar mbi progresin e arritur. Ai nënvizoi se zgjerimi është një nga prioritetet kryesore të diskutimeve mes liderëve të BE-së, duke shprehur besimin se integrimi i vërtetë në terren është thelbësor për të ardhmen e këtyre vendeve.
“Sot jo vetëm që shënon raportin e fundit të këtij komisioni, por është shumë e rëndësishëm të kthehemi pas dhe të shohim çfarë kemi arritur. Ishte ky komision që ka punuar në mënyrë të pandalur, që për ta futur zgjerimin në agjendë, jo vetëm për të diskutuar, por edhe për të punuar me të. Zgjerimi është një nga tre çështjet kryesore, që po diskutojnë liderët. Është në interesin e Evropës për t’u zgjeruar. Korrupsioni nuk ka vend në familjen e BE. Kemi dyfishuar numrin e vendeve kandidate të BE. Duhet të shohim integrimin e vërtetë në terren”.
