Policia ukrainase po heton disa pista në lidhje me vrasjen e ish-kryetarit të Parlamentit, Andriy Parubiy, duke përfshirë edhe një lidhje të mundshme me Rusinë.
Shefi i policisë rajonale të Lvivit, Oleksandr Shlyakhovsky, deklaroi për mediat vendase se identiteti i autorit nuk është përcaktuar ende.
“Sot, në orën 11:37, në rrugën Yefremov, vrasësi qëlloi rreth tetë herë me një armë zjarri me tytë të shkurtër. Krimi ishte planifikuar me shumë kujdes,” tha ai.
Policia po kërkon një person që raportohet të ketë qenë i veshur me rroba të ngjashme me ato të një kalorësi dhe që mbante helmetë. Hetimet po vijojnë intensivisht për të zbardhur motivet dhe autorësinë e atentatit.
