Mjeku imazherist në Spitalin Rajonal të Fierit, Gëzim Taullaj, i cili u arrestua pak ditë më parë nuk është paraqitur në Gjykatën e Shkallës së Parë të Rrethit Gjyqësor Fier.
Sipas burimeve, për arsye shëndetësore, ai është parfaqësuar nga avokati i tij, Xhevair Morina.
66- vjeçari ra në prangat e policisë pasi u kap në flagrancë duke i marrë një shumë parash një pacienti që do të kryente ekon abdominale.
Taullaj ra në prangat e bluve të Fierit, pas një hetimi 4-mujor në bashkëpunim me Prokurorinë dhe u arrestua në përfundim të operacionit policor të koduar” Imazheria”.
Ai akuzohet për veprat penale “ Shpërdorim i detyrës”, dhe “ Korrupsion pasiv i personave që ushtrojnë funksione publike”
Gjithashtu mjeku shpërdoronte detyrën pasi gjatë orarit zyrtar të punës, vizitonte pacientë në dy klinika private në Fier.
Si provë materiale gjatë kontrollit në banesë iu gjetën dhe sekuestruan shuma e lekëve që i mori qytetarit, në kundërshtim me ligjin, 1.857. 000 lekë të reja, 39.155 euro, 2.370 paund dhe 75 dollar.
